የሃላባ ዘመን መለወጫ "ሴራ" ነገ ይከበራል በሃላባ ብሔረሰብ ባህል፤ ታሪክ እና ቋንቋ ላይ ያተኮረ አውደ ጥናት በሃላባ ቁሊቶ ተካሂዷል። አውደ ጥናቱ በነገው ዕለት በአደባባይ የሚከበረው የብሔረሰቡ የዘመን መለወጫ የ"ሴራ" በዓልን ምክንያት በማድረግ የተዘጋጀ ነው። በመድረኩ የማኅበረሰቡ የተለያዩ ሀገር በቀል እውቀቶች ላይ ያተኮሩ ጥናታዊ ጽሑፎች ቀርበው ውይይት ተደርጎባቸዋል። የሴራ በዓል ማኅበራዊ እና ኢኮኖሚያዊ ፋይዳ ያላቸው እሴቶችን የያዘ ሲሆን "ኦገቴ ሴራ” ባህላዊ የዳኝነት ሥርዓት እና "ሚሻላ ሴራ” የመረዳዳት እና የመደጋገፍ ሥነ-ሥርዓቶች ተጠቃሾች ናቸው። እንዲህ ያሉ የሀገር በቀል እውቀትን መጠብቅ እና ትርጉም ባለው መንገድ መጠቀም እንደሚገባ ተጠቁሟል። | OBN አማርኛ